Natal Pakomoan Panginjil Pandeta Dayak Kalimantan Barat (P3DKB), Ngian Boh Pasatn Kartius Dewan Pambina (Pangalongokng)
Pontianak, detikborneo.com -Gawe kalahiran Jubata Yesus mulai terasa reponya, apalagi kade dirayakan basamua kaluarga sama nang sote tujuan paridupatn mao jadi saksi-saksiNya ka talino ngian.
Untok koa Kaluarga Ayak Pakomoan Panginjil Pandeta Dayak Kalimantan Barat (P3DKB) ari ngian (15/10/2023) ka Aula Hotel Kapuas Palace atakng rami-rami ada nang dari Bangkayakng, Landak, Mempawah, Kubu Raya, Singkawang, Sambas nanak katinggalan ugak baik kalah para Panginjil Pandeta Ba urak rami anak baranak nyampatatn dirik atakng ngarayaatn Natal dari tokoh-tokoh hinga warga Dayak sa-Kota Pontianak.
Katua Panitia Nyampeatn pasatn bahwa Natal tahutn ngian kami amper seratus persen pake bahasa Dayak Kanayatn dari lagu-lagu Natal, Doa atau Bapamang hingga kotbah pake bahasa dirik Dayak, sidi reho sanang ka Jubata ati kami acara bisa sukses meskipun harus bajuang sidi ngagok dana tapi basukur Ka Jubata panitia samua kompak karaja sidi, tarima kasih ka samua nang udah atakng, nang babagi barakat acar sukses, kata Anita Ida Karolina.
Pasatn kotbah Natal temanya: Ngatingian Jubata Man Idup Nyaman, Idup Repo Ka Aik Tanah (Lukas 2:14) di nyampeatn Pdt. Aliong dari awal sampe namus ugak pake bahasa Dayak Kanayatn artie dirik nang udah picaya ada kasalamatatn mao lebih agik belajar memahami Pakatatn Jubata dalam bahasa uwe untuk sidi-sidi sambah sujud ka Jubata Yesus nang udah rela idup sangsara ka talino untok nabus paridupatn salah akibat dosa supaya namau idup nyaman, idup repo ka aik tanah namus ringak seda sanang ugak ana kade udah dinyaruk Jubata ka Subayatn, pasatnya.
Salamat ma’am Salam sehat untuk Page waris kamaru’ samadiatn nang atakng gawe natal pakomoan pendeta penginjil Dayak Kalbar (P3DKB) ka Kapuas palace ngian, Salamat Natal Boh ka acara ngian aku mao bapasatn Salaku Dewan Pembina (Pangalongok) P3DKB, tolong diri samua bakabon sawit paling Ina’ ampat sampe lima hektar per kapala kaluarga, Kade Ina nae jadi kuli ka tanah diri babaro boh, pasti idup susah karena saingan paridupatn ampeatn makin tingi bisa kalah ba dangan apalagi urakng atakng ngian pandekar barusaha manyak ahlinya koa nang wajib dirik harus caradik ugak ame sampe kalah didangan terutama untuk anak muda kade udah siap panganten baranak minimal talu sampe ampat urakng, kade pangaselan udah ada bare makanan nang bagizi nyikolahatn kemudapun gampang kade bisa pas masuk SMA koa naap jurusan IPA atau sesuai keinginannya nang panting rajin belajar kade ada rajaki kuliah tingi-tingi, koa boh pasatn ne’.
Katua Pakomoan Panginjil Pandeta Dayak Kalimantan Barat (P3DKB) anggotanya ngian buke hanya Dayak Kanayatn tapi dari berbagai suku Dayak tapi tahutn ngian acara Natal pake bahasa Dayak Kanayatn mudahan tahun ana ada ugak nang siap untuk make samua bahasa Dayak sub suku Dayaknya, ari ngian dirik repo sabab Natal Dah Atakng, biar hati reho sanang basama Page waris kamaru samua, Salamat Natal Jubata Marakati, kata Pdt. Filemon Sukardi. (Bajare007)
